د کاپيسا ولایت د عدلیې ریاست اداري ناسته جوړیدل
د کاپيسا ولایت د عدلیې ریاست اداري ناسته د ذوالقعدې د مياشتې په ۳ مه نېټه د یکشنبې په ورځ د کاپيسا ولایت د عدليې رئیس په مشرۍ او د یاد ریاست د آمرینو او کارمندانو په ګډون سره جوړه شوه.
په دغه ناسته کې د عدلیې رئیس د یاد ریاست کارمندانو ته د دندو او مسؤولیتونو ته د توجو، وخت ته د پابندۍ، په وخت د چارو د اجرآ او د مراجعينو ستونزو ته د رسېدګۍ په تړاو لازمې توصیې وکړې او د چارو د ښه والي په منظور يې د یاد ریاست کارمندانو ته لازمې لارښوونې وسپارلې.
په پای کې د یاد ریاست آمرینو او کارمندانو خپلې ستونزې او وړاندیزونه مطرح کړل او د عدلیې رئیس د هغوی د ستونزو د حل کولو ډاډ ورکړ.
