د کار موندنې خبرتیا
د افغانستان د اسلامي امارت د لوړو اهدافو د تحقق او د سالمې ادارې د اصلاح رامنځته کولو په موخه، کار اهل کار ته د سپارلو ژمن دی، د افغانستان د اسلامي امارت د عدلیې وزارت د اړتیا وړ او با استعداده افرادو جلب او جذب په موخه څلور بستونه د اوومې رتبې ( نلدوان، برقي، نجار او رنګمال ) د (۷) کاري ورځو لپاره د ۲۵/۵/۱۴۴۳ څخه تر ۳/۶/۱۴۴۳ پورې اعلانوي.
د کار شرایط:
۱. د افغانستان تابعیت درلودل.
۲. د اتلس کلنۍ عمر بشپړول.
۳. د تخنیکي یا حرفوي زده کړو له مرکزونو څخه یې د فراغت سند ترلاسه کړی وي او یا په یاده برخه کې بشپړ مهارت او کاري تجربه ولري.
۴. د دندې د ترسره کولو وړتیا ولري.
په شرایطو برابر نوماندان کولای شي چې په ټاکلې موده کې خپل غوښتنلیکونه او نور اسناد د وزارت د بشري سرچینو ریاست د ګمارلو آمریت ته وسپاري.
