د پکتیکا ولایت د عدلیې رئيس د یاد ولایت له مدافع وکیلانو سره وليدل
د پکتیکا ولایت د عدلیې رئیس مولوي حیات الله امين د روژې د مياشتې په ۱۶ مه نېټه د سې شنبې په ورځ د یاد ولایت له مدافع وکیلانو سره د عدلیې ریاست په مقر کې وکتل او خبرې وکړې.
په دغې ناسته کې د پکتیکا ولایت د عدلیې رئیس له مدافع وکيلانو څخه وغوښتل چې د تورنو د دوسیو په څېړلو کې دقت وکړي تر څو د هغوی له حقوقو څخه د شريعت او قانون په رڼا کې دفاع وشي.
په یاده ناسته کې، د پکتیکا ولایت مدافع وکیلانو هم خپلې ستونزې او وړاندیزونه مطرح کړل چې د عدلیې رئیس له لوري په دې برخه کې لازمې لارښوونې وشوې.
