د پکتیکا ولایت د عدليې رییس ناسته د دغه ولایت د ارګون ولسوالۍ د موټر پلورنځیو له مسوولینو سره
د پکتیکا ولایت د عدليې رییس مولوي حایت الله آمین د ربیع الثاني میاشت په ۱ نېټه د پنجشنبې په ورځ د دغه ولایت د ارګون ولسوالۍ د موټر پلورنځیو له یو شمېر مسوولینو سره وکتل او خبرې یې ورسره وکړې.
په دغې کتنه کې د عدليې رییس د موټر پلورنځیو مسوولینو ته توصیه وکړه چې د افغانستان اسلامي امارت له پالیسۍ سره سم خپلې معاملې ترسره کړي او د عوایدو راټولولو کې حاکم اصول په سمه توګه تطبیق کړي.
په دغې کتنه کې د موټر پلورنځیو مسوولینو د عدليې رییس لارښوونې وستایلې او د موټر پلورلو او د مالیاتو راټولو برخه کې يې اسلامي امارت د ټولو اصولو ته د وفادارۍ او د رعایتولو ژمنه وکړه.
په دغې لیدنه کې د موټر پلورنځیو مسوولینو خپلې ستونزې له عدليې رییس سره شریکې کړې او د عدليې له رییس څخه یې وغوښتل چې د عواید ټولولو څخه د معافیت په برخه کې له هغوی سره همکاري وکړي.
د عدليې رییس له هغوی سره ژمنه وکړه چې د هغوی ستونزې به له اړونده مسوولینو سره شریکې کړي او د هغو له پاره به د حل لار ولټوي.
