د پکتیا ولایت عدلیې ریاست پنجشنبې بازار کې د نقلیه وسایطو د ناقانونه پېر او پلور مخنیوی وکړ
د پکتیا ولایت د عدلیې ریاست د انسجام مدیریت، د ذوالقعدې میاشتې په ۱۲ نېټه د پنجشنبې په ورځ د ګردیز ښار په پنجشنې بازار کې د نقلیه وسایطو له ناقانونه پېر او پلور څخه مخنیوی وکړ.
د عدلیې وزارت د انسجام لوی ریاست ځایي میلو کې د نقلیه وسایطو پېر او پلورل ناقانونه بللي او په ولایتونو کې د انسجام مدیریتونه ته لارښوونه کړې چې دغه راز میلو کې د نقلیه وسایطو د ناقانونه پېر او پلور مخنیوی وکړي. په همدې اساس د پکتیا ولایت د عدلیې ریاست د انسجام مدیریت د دغه ډول مېلو جوړولو مسؤلینو ته خبرداری ورکړی وو چې د نقلیه وسایطو د ناقانونه پېر او پلور څخه ډډه وکړي خو یو شمېر وګړو له دې سره په دغې کړنې لاس پورې کړی وو.
د پکتیا ولایت د عدليې ریاست د انسجام مدیریت د ګردیز ښار په پنجشنبې بازار کې د نقلیه وسایطو د پېر او پلورلو میلې له جوړلو څخه د یو عملي اقدام په ترڅ کې مخنیوی وکړ او سرغړونکي یې په ګوته کړل ترڅو له هغوی سره قانوني چلند وشي.
