د پکتیا ولایت د عدليې رییس ددغه ولایت د ولسوالیو د حقوقو لویو مدیرانو سره وکتل
د پکتیا ولایت د عدلیې رییس مولوي محمد رییس محمدي د ربیع الثاني میاشت په ۱۸ نېټه د یکشنبې په ورځ ددغه ولایت د حقوقو له لویو مدیرانو سره د عدلیې ریاست په مقر کې وکتل.
دغه ناسته د کلام الله مجید د څو ایتونو په تلاوت سره پیل شوه او په هغې کې د عدليې رییس د تېرې یوې میاشتې د لاسته راوړنو، موجوده ستونزو او د راتلونکې میاشت د کاري پلان په اړه مفصل معلومات وړاندې کړل.
په دغې ناسته کې د عدلیې رییس د ولسوالیو د حقوقو لویو مدیرانو ته سپارښتنه وکړه چې د نظام د تحکیم او بقا له پاره هڅه وکړي او نظام له پاره خدمت وکړي. دغه راز نوموړي له هغوی څخه وغوښتل چې خپل سیرت او صورت له نبوي سنت سره سم عیار کړي او په خپلو کې متقابل احترام مراعات کړي.
دغه راز د عدلیې رییس د ځمکو اړوندو قضیو، د هغو عریضو حفظ چې عارض يې تر یو میاشت نه وي تعقیب کړي، د نغدې جریمو مخنیوي، حقوقي دعواو او د اوونیز، میاشتني، ربعوار او کلني راپورونو او د نورو موضوعاتو په اړه د ولسوالیو د حقوقو مدیرانو ته لازمې لارښوونې وکړې.
په یاده ناسته کې د ولسوالیو د حقوقو لویو مدیرانو خپل ستونزې او وړاندیزونه د عدلیې له رییس سره شریک کړل او د عدلیې رییس هغوی ته ډاډ ورکړ چې د هغوی د ستونزو د حل او د وړاندیزونو ترلاسه کولو په برخه کې به له هېڅ ډول هلو ځلو څخه ډډه و نه کړي
