د پنجشیر ولایت د ځمکو د غصب د مخنیوي د تخنیکي هیئت د ناستې جوړیدل
د پنجشیر ولایت د ځمکو د غصب د مخنیوي د تخنیکي هیئت ناسته د ذوالقعدې میاشت په ۴ نېټه د چهار شنبې په ورځ د دغه هیئت د رئیس او غړو په حضور سره جوړه شوه او د ځینو موضوعاتو په اړه په کې لازم تصمیمونه ونیول شول.
دغه راز یاد شوي هیئت د میرانشا کلا د کلي له اوسیدونکو سره وکتل، د هغوی ستونزې او خبرې یې واورېدلې او دغې برخه کې لازمې لارښوونې وکړې.
د دغه هیئت په ناسته کې، د یو شمېر اشخاصو عریضې بررسي شوې او اړوندو مراجعو ته لازمې لارښوونې وشوې او پریکړه هم وشوه چې افرادو او یو شمېر ادارو ته استعلام وویشل شي. دغه راز دوه نورې دوسیې هم بررسي شوې او پریکړه وشوه چې یوه يې اړوندې مرجع ته واستول شي او بله یوه یې په دقیق ډول بررسۍ شي.
په یادې ناسته کې، عنابې ولسوالۍ ته د سفر په اړه هم لازم تصمیم ونیول شو او د میرانشا کلا د کلي د اوسیدونکو د سپینو سکیچ شویو ځمکو په اړه پریکړه وشوه چې یادو شویو اوسیدونکو ته استعلام وویشل شي ترڅو خپل سندونه حاضر کړي.
