د پروان ولایت د لسګونو عریضه لیکونکو له فعالیت څخه نظارت ترسره شو
د پروان ولایت د عدلیې رئیس مولوي عبدالقدیر عابد او له هغه سره مل پلاوي د ربیع الثاني د میاشتې په ۲ نېټې د سه شنبې په ورځ د دغه ولایت د یو شمېر عریضه لیکونکو له فعالیت څخه لیدنه او نظارت ترسره کړ.
په دغې بررسۍ کې د یاد ولایت د ۳۰ تنو عریضه لیکونکو د فعالیت له څرنګوالي څخه بررسي او نظارت ترسره شو او هغوی ته توصیه وشوه چې له خلکو سره ښه چلند ولري او د زیاتو پیسو له اخیستلو څخه ډډه وکړي او دغه راز هغوی ته له رسمي عریضو څخه د استفادې او دعریضې لیکلو د ډول او د نورو مواردو په اړه لازمې لارښوونې وشوې.
د پروان ولایت عدلیې ریاست د یاد ولایت د عریضه لیکونکو ستونزو ته د رسیدګۍ او د غیرقانوني فعالیت د مخنیوي په منظور په دغه ولایت کې وخت په وخت د عریضه لیکونکو د فعالیت له څرنګوالي څخه لیدنه او نظارت کوي.
