د پروان ولایت د عدليې ریاست اداري ناسته جوړه شوه
د پروان ولایت د عدليې ریاست اداري ناسته د ربیع الاول د مياشتې په ۴ مه نېټه د شنبې په ورځ د عدليې رئیس مولوي حیات الله امين په مشرۍ او د دغه ریاست د آمرینو او کارکوونکو په ګډون جوړه شوه.
په دې ناسته کې، د عدليې رئیس د بېلابېلو موضوعاتو په تړاو خبرې وکړې او د دغه ریاست کارکوونکو ته يې توصیه وکړه، چې لمونځ په جماعت سره ادا کړي او خپل صورت او سیرت له اسلامي شریعت سره سم عیار کړي.
دغه راز نوموړي د یاد ریاست کارمندانو ته د خپلو مسؤولیتونو د ترسره کولو، وخت او حاضرۍ ته د پابندۍ، په وخت د چارو د اجرا، د اخلاص درلودلو، په نبوي سنتو د خپل صورت او سیرت برابرولو، د کارمندانو تر منځ د متقابل احترام، له مراجعینو سره د ښه چلند او نورو مواردو په اړه لازمې توصیې وکړې.
نوموړي د کارمندانو ترمنځ په لازیاتې همغږۍ ټینګار وکړ او له هغوی څخه یې وغوښتل چې فرمانونونو او اسلامي ارزښتونو ته ژمن واوسي او خلکو ته په صادقانه ډول خدمت وکړي.
