د ننګرهار ولایت د ځمکو د غصب د مخنیوي د تخنیکي هیئت د ناستې جوړیدل
د ننګرهار ولایت د ځمکو د غصب د مخنیوي د تخنیکي هیئت ناسته، د ذوالقعدې د میاشتې په ۱۱ نېټه د چهار شنبې په ورځ د هیئت د رئیس او غړو په حضور سره جوړه شوه.
په یادې ناسته کې تخنیکي هیئت پر ادارو ټینګار وکړ چې د خپلو غصب شویو ملکیتونو سندونه د بررسۍ له پاره دغه هیئت ته وړاندې کړي ترڅو د خلکو ستونزې حل شي او هغوی ته د قناعت وړ ځواب ورکړل شي. په همدي توګه ټینګار وشو چې هیڅ اداره نه شي کولای په خپل سر توګه سندونه بررسي کړي.
په یاده ناسته هیئت د ګوشتې ولسوالۍ د ماماخیلو، خوګاخیلو، دوړخیلو، خویزي او بیزي قومونو د ځمکو په اړه بحث او خبرې وکړې.
دغه راز د یو شخص د ځمکې په اړه چې ښاروالۍ پرې غرفه جوړه کړې پریکړه وشوه چې موضوع د امارت د قضایاو ادارې له خوا بررسي شي.
تخنیکي هیئت د میدان غلام د بررسۍ له پاره فني هیئت تعیین کړ ترڅو یاده شوې ساحه له کادستري نقشو سره سم په دقیق ډول بررسي کړي.
