د ننګرهار ولایت د ځمکو د غصب د مخنیوي د تخنیکي هیئت د ناستې جوړیدل
د ننګرهار ولایت د ځمکو د غصب د مخنیوي د تخنیکي هیئت ناسته، د ذوالقعدې میاشتې په ۴ نېټه د چهارشنبې په ورځ د دغه هیئت د رئیس او غړو په حضور سره جوړه شوه او د مهمندرې ولسوالۍ شش جریبه ځمکې ۲۹، ۳۰ و ۳۱ ویالو په اړه په کې بحث وشو او پریکړه وشوه چې یاده ځمکه د تېر حکومت لخوا لغو شوي او لومړی باید تثبیت او وروسته یې په اړه تصمیم ونیول شي.
یاد شوي هیئت د جلال آباد ښار په څلورمه ناحیه کې د سخي صاحب په نوم د وقفي ځمکې په اړه پریکړه وکړه چې ساحه باید له غاصبینو څخه آزاده او د حج او اوقافو ریاست ته وسپارل شي.
دغه راز یاد شوي هیئت د غوچک، د جلال آباد ښار د څلورمې ناحیې او د کامې او حصارک ولسوالیو په له اوسیدونکو سره هم وکتل او د هغوی غوښتنې او ستونزې یې واوریدلې.
