د ننګرهار ولایت د عدلیې ریاست او د علماوو شورا تر منځ د همغږۍ ناسته جوړیدل
د ننګرهار ولایت د عدلیې ریاست او د یاد ولایت د علماوو شورا ترمنځ د همغږۍ ناسته د ربیع الثاني د میاشتې په ۵مه نېټه د سه شنبې په ورځ د عدلیې رئیس مولوي محمد رئیس محمدي او د یاد ولایت د علماوو د شورا رئیس شیخ حضرت جان حنفي په ګډون ترسره شوه.
په دې ناسته کې د عدلیې رئیس د یاد ریاست د درېیو میاشتنیو فعالیتونو په اړه معلومات وړاندې کړل او د یاد ریاست لاسته راوړنې یې د ننګرهار د علماوو شورا له مسؤولینو سره شریکې کړې.
دغه راز په یاده ناسته کې د ننګرهار د علماوو د شورا رئیس د یاد ریاست له کړنو قدرداني څرګنده کړه او له عدلیې ریاست سره یې د یادې شورا د لا زیاتو همکاریو ډاډ ورکړ.
