د ننګرهار ولایت د عدلیې او استخباراتو رياستونو ترمنځ د همغږۍ ناسته جوړه شوه
د ننګرهار ولایت د عدلیې رئيس مولوي محمد رئيس محمدي او مل پلاوي د یاد ولایت د استخباراتو له رئيس مولوي صاحب ايوبي سره د محرم الحرام د مياشتې په ۱۷ مه نېټه د سهشنبې په ورځ د استخباراتو رياست په مقر کې وکتل او خبرې وکړې.
د همغږۍ په دې ناسته کې دواړه لورو، د مدافع وکیلانو لپاره د اسانتیاوو په برابرولو ټینګار وکړ او همدارنګه د معاملاتو د لارښوونې او موټر پلورنځیو په دفترونو کې د شته ستونزو او نیمګړتیاوو په اړه خبرې وکړې چې د استخباراتو رياست د یادو ستونزو د لرې کولو ډاډ ورکړ.
همدارنګه په یاده ناسته کې د ځمکو د غاصبینو د راجلبولو او ورته نورو مهمو موضوعاتو په اړه هم خبر اترې وشوې.
