د ننګرهار د استیناف محکمې او عدلیې رئیسانو دواړو ریاستونو ترمنځ پر همغږۍ ټینګار وکړ
د ننګرهار ولایت د عدلیې رئیس، مولوي محمد رئيس محمدي او له هغه سره مل پلاوي د ربیعالاول د مياشتې په ۶ مه نېټه د دوشنبې په ورځ، د یاد ولایت د استیناف محکمې له رئیس، مولوي عبدالشکور رشاد سره وکتل او خبرې وکړې.
په دې کتنه کې د مدافع وکیلانو، حقوقي مرستو او د امارت د قضایاو د برخو په اړه خبرې وشوې او په دغو برخو کې ځینې موجودې ستونزې بحث او بررسۍ لاندې ونیول شوې.
په دې کتنه کې دواړو لورو د یادو ریاستونو ترمنځ پر لازیاتې همغږۍ او همکارۍ ټینګار وکړ او ستونزو ته د رسېدنې او د لازمو اسانتیاوو د برابرولو ژمنه یې وکړه.
