د میدان وردک ولایت د ځمکو د غصب د مخنیوي د تخنیکي هیئت د ناستې جوړیدل
د میدان وردک ولایت د ځمکو د غصب د مخنیوی د تخنیکي هیئت ناسته د شوال میاشت په ۱۰ نېټه د یکشنبې په ورځ د یاد هیئت د رئیس او غړو په حضور سره جوړه شوه او د ځینو موضوعاتو په اړه پکې بحث او خبرې وشو.
په دغې ناسته کې د غونډو د حاضرۍ، له غونډو څخه د امنیې قوماندانۍ خبرول او له مرکزي کمېسیون څخه د ځینو ستونزو او د یاد هیئت د لګښتونو د استهدا اړه بحث وشو او دغو برخو کې لازم تصمیمونه ونیول شول.
دغه راز په یاد ناسته کې په میدان ښار کې د شهرنو ښارګوټي په اړه بحث وشو او پریکړه وشوه چې د ځمکو د ادارې کارکوونکي باید د دغه ښارګوټي په اړه املاکي څېړنې پیل کړي او د هغه د متصرفینو شهرت، د ځمکو مساحت او اربعه حدود یې مشخص کړي او تخنیکي هیئت ته یې وړاندې کړي.
په همدې توګه هیئت پریکړه وکړه هغه نمرې چې مالکان یې موجود یا معلوم نه دي د ملي راډیو ټلویزیون له لارې هغوی ته خبر ورکړل شي.
