د میدان وردک ولایت د تخنیکي هیئت ناسته جوړه شوه
د میدان وردک ولایت د ځمکو د غصب د مخنیوی د تخنیکې هيئت ناسته د شوال میاشت په ۱۷ نېټه د یکشنبې په ورځ د دغه هیئت د رئیس او غړو په حضور سره جوړه شوه او د دغه ولایت د عدليې رئیس او د امارت د قضایاو آمر، مرکز ته د سفر او له مرکزي کمېسیون سره د خپل د کتنې راپور وړاندې کړ.
په یاده ناسته کې، تخنیکي هیئت په دریو ګروپونو وویشل شو ترڅو په چک ولسوالۍ کې د مدعی بها ساحې، د جلریز ولسوالۍ د سنګلاخ په دره کښې د داود خان باغ او د دغه ولایت مرکز میدان ښار ته سفر وکړي او ورسپارل شوې موضوعات بررسي کړي.
