د معاملو د لارښوونې او د عریضې لیکونکو د جواز صادرولو له درکه له ۲.۵ ميلیونه افغانیو څخه زیات عواید راټولول
د اسلامي امارت د عدليې وزارت د انسجام لوی ریاست د ۱۴۰۱ لمریز کال د وږي په میاشت کې د معاملو د لارښوونو د فترونو ا دعریضې لیکونکو د جوازونو د تمدید او صادرولو له درکه ۲ میلیونه او ۵۸۸ زره او ۹۱۸ افغانۍ عواید ټول کړي او د اسلامي امارت خزانې ته یې تحویل کړې دي.
د دغې میاشتې په بهیر کې ۱۵۶ تنو غوښتونکو له پاره د معاملو د لارښوونو د فعالیت جواز صادر شوی چې له هغو څخه ۱۰۱ جوازونه نوي او ۵۵ يې تمدیدي جوازونه دي.
همدا راز دغه ریاست د یو میاشت په بهیر کې د معاملو د لارښوونو ۲۲ جوازونه لغو کړي او د جواز د لغو کولو ۱۷ غوښتنلیکونه یې اجرا کړي دي.
یاد ریاست په دغه میاشت کې ۲۹۵ د معاملو د لارښوونو دفترونه د نظارت او بررسۍ لانې نیولي چې پایله کې یې د معاملو د لارښوونو ۵۶ دفترونه د سرغړونو او د غیر قانوني فعالیتونو له امله د دغه ریاست له لوري تړل شوي دي.
همدغه راز یاد ریاست ۳۷ تنو نورو غوښتونکو ته د عریضې د لیکنې د فعالیت جواز صادر کړی چې له هغو څخه ۳۱ جوازونه نوي او ۶ نور جوازونه یې تمدید شوي دي.
