د لوګر ولایت د تخنیکي هیئت ناسته جوړه شوه
د لوګر ولایت د ځمکو د غصب د مخنیوي د تخنیکي هیئت ناسته د شعبان میاشت په ۲۳ نېټه د چهارشنبې په ورځ ددغه هیئت د رئیس او غړو په حضور سره جوړه شوه.
دغې ناسته کې، تخنیکی هیأت ته د وړاندې شویو عریضي بررسي شوې او دغې برخه کې لازم تصمیمونه ونیول شول. وروسته تخنیکي هیأت ددغه ولایت د مرکز اړوند د ښارګوټي ساحې ته ولاړ د برمې کارونو يې ودرول او هغه بوټي چې په غصب شویو ځمکه تازه کرل شوي وو له ځمکې څخه وایستل.
یاد شوي هیئت ځايي خلکو ته د ځمکو د غصب د مخنیوي اړوند معلومات ورکړل او له هغوی څخه یې وغوښتل چې د امارتي ځمکو له غصب څخه مخنیوی وکړي. دغه راز تخنیکي هیئت هغوی ته وویل چې په امارتی ځمکو کې د څاګانو کیندل تر ثاني امر پورې بند دي او له سر غړونکو سره یی قانونی چلند ترسره شي.
