د غور ولایت د ځمکو د غصب د مخنیوي د تخنیکي هیئت ناسته جوړه شوه
د غور ولایت د ځمکو د غصب د مخنیوي د تخنیکي هیئت ناسته د ۱۴۴۵ هجري قمري کال د محرم الحرام میاشتې په ۷ نېټه د دوشنبې په ورځ د یاد هیئت د رئیس او غړو په حضور سره جوړه شوه او یو شمېر دوسیې په کې بحث او بررسۍ لاندې ونیول شوې.
په دغې ناسته کې، دوو اشخاصو ترمنځ تر دعوا لاندې د ۵۱ زره او ۴۸۰ جریبه ځمکې دوسیه بحث او بررسي شوه او تصمیم ونیول شو چې یاده ځمکه عامه مرعی ده او د هغې حدود او موقعیت یادولو سره د هغې راپور د وروستي تصمیم نیولو په موخه مرکزي کمېسیون ته واستول شي.
دغه راز په یاده ناسته کې د حنیف خان بڼ په نوم د امارتي ملکیت ۶.۱۲ جریبه ځمکه، تثبیت شوه او له متصرف اشخاصو څخه له کړنلارې سره سم د بېرته سپارلو او د مکلیت نه ادعا کولو اقرار لیک واخیستل شو ترڅو د هغې اجارې ورکولو په برخه کې له اصولو سره سم اقدام وشي.
د یاد ولایت دولتیار ولسوالۍ د تیمنیو بازار په شمال کې د ۸۰.۴۱ جریبه اوبه لرونکې ځمکې په اړه چې د یو شخص او د هغه شریکانو په تصرف کې ده. یاد اشخاص غونډې ته وبلل شول او له هغوی څخه د ملکیت سندونه وغوښتل شول ترڅو راتلونکې غونډې ته خپل سندونه وړاندې کړي. په همدې توګه د باغ سفیدار تثبیت شوې ۶.۱۲ جریبه ځمکې له متصرف اشخاصو څخه له کړنلارې سره سم اقرار او اعتراف واخیستل شو ترڅو د هغې اجارې ورکوونې او ثبت برخه کې اصولي اقدام صورت ومومي.
