د غور ولایت د ځمکو د غصب د مخنیوي د تخنیکي هیئت د ناستې جوړیدل
د غور ولایت د ځمکو د غصب د مخنیوي د تخنیکي هیئت ناسته د ذوالقعدې د میاشتې په ۲۲ نېټه د یکشنبې په ورځ د دغه هیئت د رئیس او غړو په حضور سره جوړه شوه او د دغه ولایت له ځینو ساحو څخه هم لیدنه وشوه.
یاد شوي هیئت د یو شخص د سندونو او د حج او اوقافو ریاست د سندونو د تطبیق په منظور مدعا بها سیمې ته ولاړ او یاد سندونه یې تطبیق کړل. دغه هیئت د شنې ساحې او د ښارې دوه یم پلان سړک د بررسۍ په منظور، ټاکل شوې ساحې ته حاضر شو او د انجنیرانو راپور او د اشخاصو سندونو یې په ساحه کې تطبیق کړل.
تخنیکي هیئت د یو بل شخص د نمرو ساحه هم بررسي کړه او مشخصه شوه چې د څو تنو اشخاصو کورونه په عامه کوڅه کې جوړ شوي دي. یو شمېر اشخاص هم هيئت ته حاضر شول او له هغوی څخه غوښتل شوي سندونو او مدارک بررسي شول.
