د عریضه لیکنې د فعالیت جواز له یو شمېر غوښتونکو څخه، آزموینه واخیستل شوه
د عدليې وزارت د انسجام لوی ریاست د معاملاتو د لارښوونې او د عریضه لیکوونکو ریاست د خپلو مخکنیو ارزونو په دوام، د ۱۴۴۵ هجري قمري کال د محرم الحرام د میاشتې په ۱ نېټه د سه شنبې په ورځ د عریضه لیکنې د فعالیت د جواز له یو شمېر غوښتونکو څخه د آزموینې او د ارزونې برنامې د دغه وزارت په مقر کې جوړې کړې.
په یاده آزموینه کې د معاملاتو د لارښوونې او عریضه لیکوونکو ریاست رئیس مولوي سکندر یحی عابد او د یاد ریاست نورو مسؤلینو د آزموینې له بهیر څخه څارنه وکړه. په دغې آزموینه کې د عریضه لیکوونکو د فعالیت جواز غوښتونکو شاوخوا ۹ تنو برخه اخیستې وه.
د عدليې وزارت وړ خلکو له پاره د عریضه لیکنې د جواز ویشلو په منظور، په میاشت کې دوه ورځې د سه شنبې په ورځو د عریضه لیکنې د جواز غوښتونکو څخه په دغه وزارت کې آزموینه اخلي ترڅو با استعداده او وړ خلک په اصولي او شفاف ډول غوره او د خلکو په کارونو کې د آسانتیاو د رامنځته کیدلو سبب شي.
