د عدلیې وزارت سرپرست د دې وزارت له ریاستونو او شعبو څخه لیدنه وکړه
د افغانستان.ا.ا د عدلیې وزارت سرپرست محترم الحاج مولوي عبدالحکیم شرعي، د دې وزارت له ریاستونو او شعبو څخه لیدنه وکړه او د وزارت د بېلابېلو څانګو له کارکوونکو سره یې له نږدې وکتل او خبرې اترې یې ورسره وکړې.
د عدلیې وزارت سرپرست د دې وزارت له کارکوونکو څخه وغوښتل چې په سمه توګه خپلو دندو ته حاضر شي او خپلې دندې په صادقانه توګه ترسره کړي.
محترم شرعي د عدلیې وزارت د ودانۍ او چاپېریال د پاکوالي په منظور اړوندو مسئولینو او کارکوونکیو ته لازمې لارښوونې وکړې.
