د عدلیې وزارت د مرکزي رئیسانو د اداري ناستې جوړیدل
د اسلامي امارت د عدلیې وزارت د مرکزي رئیسانو اداري ناسته د ربیع الاول د میاشتې په ۱۹ نېټې د چهارشنبې په ورځ د مالي او اداري معین مولوي عبدالغني فایق په مشرۍ او د یاد وزارت د مرکزي رئیسانو او د نورو مسؤلینو په ګډون جوړه شوه.
په یاده ناسته کې، د کابل له ښاروالۍ څخه د پوروړو موټر پلورونځیو د سندونو د پړاوونو تېرولو د څرنګوالي په تړاو بحث وشو او پریکړه وشوه چې لومړی د عدليې وزارت د امارت د قضایاو لوی ریاست او د انسجام لوی ریاست په خپلو کې غونډه وکړي او وروسته د ښاروالۍ له مسؤلینو سره په دې اړه کتنه وکړي.
په دغې ناسته کې له عریضه لیکونکو څخه د آزموینې اخیستلو د څرنګوالي په اړه هم بحث وشو او پریکړه وشوه چې د هغې منابع برابرې او تنظیم شي.
د مرکزي رئیسانو په ناسته کې د بهرنیو چارو وزارت ته د یو شمېر اساسي سندونو د استولو په اړه هم بحث وشو او په دغې برخه کې لازم تصمیمونه ونیول شول.
په یاده ناسته کې له معتمدینو څخه د تضمین د اخیستلو او یو شمېر نورو مالي موضوعاتو په اړه هم بحث وشو او په دغې برخه کې لازمې پریکړې وشوې.
