د عدلیې وزارت د قانون جوړونې د چارو عمومی ریاست د دوو دیپارتمنتونو نوي رئیسان معرفي شول
د قانون جوړونې د چارو عمومي رياست، د اقتصادي او مالي ديپارتمنت او د بشري حقوقو او نړيوالو قوانينو ديپارتمنت لپاره نوي رئيسان چې د یاد وزارت د وړاندیز او د ریاست الوزرا عالي مقام د منظورۍ په اساس پر دغو دندو ګمارل شوي، د یوې غونډې په ترڅ کې د دغو رياستونو کارمندانو ته وروپېژندل شول.
په دې غونډه کې چې د شوال د مياشتې په ۲۹ مه نېټه د چهارشنبې په ورځ د عدلیې وزارت د بېلابېلو برخو رئیسانو او مسؤولینو په ګډون سره جوړه شوه، د یاد وزارت د قانون جوړونې د چارو عمومي رئیس مفتي فضلهادي صاحبزاده، نصر الله عمر هشام د یاد رياست د بشري حقوقو او نړيوالو قوانينو ديپارتمنت د رئيس او مولوي ممتاز الله نواب یې د اقتصادي او مالي ديپارتمنت د رئیس په توګه د یادو ریاستونو کارمندانو ته معرفي کړل.
