د عدلیې وزارت د درېیو مرکزي ریاستونو نويو رئیسانو په خپل کار پیل وکړ!
د عدلیې وزارت په وړاندیز او د افغانستان اسلامي امارت د ریاست الوزراء ستر مقام په منظورۍ سره د نوموړي وزارت د درېیو ریاستونو لپاره نوي رئیسان وګمارل شول، او په خپل کار یې رسماً پیل وکړ.
د ا.ا.ا د ریاست الوزراء ستر مقام د حکم پر بنسټ محترم مولوي صاحب محمد نور د لومړۍ رتبې په بست کې د عدلیې وزارت د امارت د قضایاوو د عمومي ریاست د رئیس په توګه، محترم مولوي صاحب قابل محمد د دویمې رتبې په بست کې د عدلیې وزارت د پلټنې ریاست د رئیس په توګه او د عدلیې وزارت مخکنی معین قانونوال محترم عبدالمجید غني زاده د دویمې رتبې په بست کې د نوموړي وزارت د قانون جوړونې او حقوقي – علمي څېړونو د چارو انستیتوت په عمومي ریاست کې د تعلیمي، فرهنګي او صحت د ډیپارټمنټ د رئیس په توګه وګمارل شو.
