د عدلیې وزارت د حقوقي مرستو ریاست او د زندانونو د چارو د تنظیم ادارې د عدلي او قضايي ارګانونو ریاست ترمنځ د همغږۍ ناسته جوړېدل
د عدلیې وزارت د حقوقي مرستو رئيس مفتي احمد ضیا خبیب او د زندانونو د چارو د تنظيم د عدلي او قضایاي ارګانونو د همغږۍ له رئيس مولوي عبدالله تر منځ د همغږۍ ناسته د محرم الحرام د مياشتې په ۴ مه نېټه د چهار شنبې په ورځ د یادې ادارې په مقر کې جوړه شوه.
په دې ناسته کې چې د لا زياتې همغږۍ رامنځته کولو په موخه جوړه شوې وه، د حقوقي مرستو وړاندې کولو او د وړیا حقوقي مشورو وړاندې کولو د څرنګوالي، په جزائي قضیو کې حقوقي مرستو ته د بندیانو لاسرسی او بندیانو لپاره د حقوقي پوهاوي د برنامو پلي کولو موضوعاتو په اړه بحث او خبرې وشوې.
د عدلیې وزارت د حقوقي د حقوقي مرستو رئیس مفتي احمدضیا خبیب د یاد ریاست مسؤولیتونه توضیح کړل او ویې ویل چې یاد ریاست په جزايي قضیو ټولو بېوزلو شکمنو او تورنو او په کورنیو قضیو کې بې وزلو ښځو او ماشومانو لپاره وړیا حقوقي مرستې او مشورې وړاندې کوي.
په یاده ناسته کې د یادې ادارې د همغږۍ رئيس مولوي عبدالله د ورته ناستو او د عدلیې وزارت د حقوقي مرستو رياست له فعاليتونو څخه خوښي څرګنده کړه او د همکارۍ ډاډ یې ورکړ. نوموړي زياته کړه چې د ولایتو په کچه به د زندانونو آمریتونه د حقوقي مرستو له آمريتونو سره د حقوقي پوهاوي ورکولو برنامو په پلي کولو او په ورته نورو برخو کې لازمه همکاري وکړي.
د عدلیې وزارت د حقوقي مرستو رياست او ولایتي آمریتونه یې د هېواد په کچه، د بېوزله محکوم علیه یا تورن او شکمن له پاره حقوقي مرستې وړاندې کولو او کورنیو قضیو کې د بېوزلو ښځو او ماشومانو حقونو، مجني علیه او نور آسیب پذیره قشرونه څخه د دفاع په برخه کې فعاليتونه ترسره کوي.
