د عدلیې وزارت د حقوقي مرستو د ریاست د اوونیزې ناستې جوړیدل
د عدليې وزارت د حقوقي مرستو د ریاست اوونیزه ناسته د ۱۴۴۴ هجري قمري کال د روژې میاشت په ۶ نېټه د سه شنبې په ورځ د حقوقي مرستو د رئيس مولوي حافظ عبدالصمد عمري په مشرۍ د یاد ریاست په مقر کې جوړه شوه.
یاده ناسته، چې د ستونوزو د هوارولو، د حل لار موندلو او د یاد ریاست د کاري چارو د ښه والي په منظور جوړه شوې وه، د کلام الله مجید د آیاتونو په تلاوت سره پيل شوه.
په دغې ناسته کې، د حقوقي مرستو رئیس، په ټاکل شوي وخت د اوامرو او د وزارت د مقام د لارښوونې د اجرا په تړاو خبرې وکړې او دغې برخه کې یې د یاد ریاست کارکوونکو ته لازمې لارښوونې وکړې. دغه راز نوموړي د اعتراضیو، دفاعیو او د صورت دعوا په برخه کې کتابونه چې د حقوقي مرستندویانو له اړتیاو څخه دي، معلومات ورکړل او ویې ویل چې د هغو د برابرولو وړاندیز یې د وزارت مقام ته وړاندې کړی او د مقام له منظورۍ او د هغو له برابریدلو څخه به وروسته، یاد کتابونه د دغه ریاست په واک کې ورکړل شي.
دغه راز د حقوقي مرستو رئیس وویل چې ولایتونو ته د پلاو د استولو او د ولایتونو د عدليې ریاستونو د حقوقي مرستو له آمریتونو څخه د لیدنې وړاندیز یې د وزارت مقام ته وړاندې کړی او دغې برخه کې یې د وزارت د مقام لارښوونه اخیستې ده.
دغه راز نوموړي د سروبي ولسوالۍ د محکمې له رئیس او د زندانونو له عدلي او قضايي بنسټونو سره د همغږۍ له رئیس سره د خپلې د کتنې په اړه چې د یاد ریاست د حقوقي مرستندویانو سره د همکارۍ په منظور ترسره شوې وه، معلومات ورکړل.
په دغې ناسته کې د یو شمېر نورو اداري موضوعاتو په اړه هم بحث وشو او لازم تصمیمونه ونیول شول.
