د عدليې وزارت د تقنین د ستاژ په برنامه کې د شمولیت آزموینه جوړه شوه
د عدليې وزارت د تقنین لوی ریاست د ۱۴۴۴ هجري قمري کال د شعبان میاشت په ۲۱ نېټه د دوشنبې په ورځ ددغه وزارت د تقنین د ستاژ برنامه کې د شمولیت آزموینه جوړه کړه.
دغه آزموینه، د تقنین لوی رئیس مفتي فضل هادي صاحب زاده او د عدليې وزارت د قوانینو د طرحې پروژې غړي مفتي محمد اشرف په حضور سره جوړه شوه او په شرایطو برابر ۶۶ تنو غوښتونکو په کې ونډه اخیستې وه.
ټاکل شوې د هغوی له مجموعې څخه ۲۰ تنه چې دغې آزموینه کې لوړې نمرې ترلاسه کړي، د عدليې وزارت د تقنین د ستاژ په برنامه کې جذب شي.
