د دفاع وکالت د ستاژ برنامې د لومړۍ دورې وروستۍ ازموینه واخیستل شوه
د عدلیې وزارت د قانون جوړونې او علمي – حقوقي څېړنو د چارو د عمومي ریاست د قوانینو د مطالعې، تشریح او زده کړې ریاست د جمادي الثاني د میاشتې په ۱۳ نېټه د چهارشنبې په ورځ د یاد وزارت د دفاع وکالت د ستاژ برنامې د لومړۍ دورې وروستۍ ازموینه واخیسته.
د دفاع وکالت د ستاژ په دې دورې کې د شمولیت لپاره ۲۰۷ تنو غوښتونکي د دفاع وکالت په ورودي ازموینه کې له بریالیتوب څخه وروسته او د ولایتونو ۲۸ تنو حقوقي مساعدین او د حقوقي مرستو آمرین د عدلیې وزارت د مدافع وکیلانو ریاست لهخوا د یاد وزارت د قوانینو د مطالعې، تشریح او زده کړې ریاست ته ورپېژندل شوي وو چې له دې جملې څخه د هغوی ۱۶۱ تنه د دفاع وکالت د ستاژ برنامې لومړۍ دورې کې شامل شوي وو. په دې برنامه کې له شامل شوو ستاژرانو څخه د هغوی ۱۳۶ تنو لومړی سمستر په بریالیتوب سره پای ته ورساوه او د یادې برنامې په دوه یم سمستر کې شامل شوي وو.
د عدلیې وزارت د قانون جوړونې او علمي – حقوقي څېړنو د چارو د عمومي ریاست د قوانینو د مطالعې، تشریح او زده کړې ریاست د دفاع وکالت د ستاژ برنامه د دې برنامې ګډونوالو ته د عملي او نظري زده کړو وړاندې کولو په موخه جوړه کړه. دغه برنامه یوه نهه میاشتنۍ زده کړه ییزه دوره وه او دوه سمستره په کې شامل وو چې په آنلاین او ځینې غونډې یې په حضوري ډول تدریس شوې.
