د دایکندي ولایت له والي سره د یاد ولایت د ځمکو د غصب د مخنیوي د تخنیکي هیئت کتنه
د دایکندي ولایت د ځمکو د غصب د مخنیوي تخنیکي هیئت د ذوالحجې د میاشتې په ۳ نېټه د چهارشنبې په ورځ د دغه ولایت له والي سره وکتل او خپل کاري راپور یې نوموړي ته وړاندې کړ.
دغه هیئت خپل کاري راپور له پیل څخه تردې دمه د دایکندي والي ته وړاندې کړ او له نوموړي څخه د همکارۍ او لارښوونې غوښتونکي شول.
یاد هیئت وویل چې د یادې مودې په ترڅ کې د غونډو جوړولو او ولسوالیو ته د سفر سربېره، ولسوالیو کې تخنیکي کمېټې هم د اړوندو سیمه ییزو ادارو د کارکوونکو په ترکیب رامنځ ته کړي دي.
د دایکندي والي د هیئت هلې ځلې وستایلې او له هغو سره يې د همکارۍ ژمنه وکړه. په همدې توګه تخنیکي هیئت ته یو لړ لازمې لارښوونې د کاري چارو ښه والي برخه کې صادر کړې.
