د خوست ولایت له والي سره د یاد ولایت د ځمکو د غصب د مخنیوي د تخنیکي هیئت کتنه
د خوست ولایت د ځمکو د غصب د مخنیوي د تخنیکي هیئت ناسته د ذوالحجې د میاشتې په ۷ نېټه د یکشنبې په ورځ د یاد هیئت د رئیس او غړو په حضور سره جوړه شوه.
په دغې ناسته کې امنیې قوماندانۍ ته دنده ورکړل شوه چې د کاروان سرای له ساحې څخه چې وړاندې تصرفات په کې منع شوي وو، په دوامداره توګه څارنه وکړي.
یاد شوي هیئت له یو شمېر فرادو سره د هغوی اړوند د کاروان سرای، للمي او د خوست یو شمېر نورو برخو د موضوعاتو او د ساحو دوسیو په اړه په جلا ډول بحث او خبرې وکړې.
دغه هیئت له غونډې څخه وروسته د یاد ولایت والي ته ولاړ او له نوموړي سره یې په باک ولسوالۍ کې د کوچیانو او بابکرخیل قوم د موضوع په اړه خبرې وکړې او د موضوع دواړه لوري راتلونکې غونډې ته وغوښتل شول. په همدې توګه هیئت خپل یو لړ ستونزې د یاد ولایت له والي سره شریکې کړې او د والي له لورې هم په دغې برخه کې د همکارۍ ژمنه وشوه.
