د جوزجان ولایت عدلیې رياست مدافع وکيلانو سره د همغږۍ ناسته جوړه کړه
د جوزجان ولایت عدلیې رئيس، مولوي امرالله مصلح د یاد ولایت له یو شمېر مدافع وکيلانو سره، د ربیع الاول د مياشتې په ۸ مه نېټه د چهارشنبې په ورځ د عدلیې رياست په مقر کې ناسته جوړه کړه.
په دې ناسته کې د چې د مدافع وکیلانو او عدلیې رياست ترمنځ د همغږۍ او همکارۍ د زیاتوالي په موخه جوړه شوه، په ترڅ کې یې د عدلیې رئيس، مولوي امرالله مصلح د مدافع وکيلانو د ستونزو د پېژندلو او د حل په برخه کې د همکارۍ ټينګار وکړ او له هغوى څخه يې وغوښتل چې خپلې ستونزې، خنډونه او ننګونې د عدليې له رياست سره شريکې کړي.
په دې غونډه کې مدافع وکيلانو هم خپلې ستونزې مطرح کړې او هيله يې څرګنده کړه، چې د عدليې رياست به دغه ستونزې هوارې کړي.
