د جوزجان ولایت د ځمکو له غصب څخه د مخنیوي تخنیکي هیئت ناسته جوړیدل
د جوزجان ولایت د ځمکو له غصب څخه د مخنيوي تخنيکي هيئت ناسته د جمادی الأولی د مياشتې په ۸ مه نېټه د یکشنبې په ورځ، د دغه هیئت د رئیس او غړو په ګډون ترسره شوه.
په دې ناسته کې د یاد ولایت، خواجه دوکوه ولسوالۍ اړوند په قزل ایاق کلي کې د اته سوه (۸۰۰) جریبه ځمکې موضوع تر بحث او بررسۍ لاندې ونیول شوه او پرېکړه وشوه چې، د تخنیکي هیئت د سکرتریت مسلکي غړي دې د یادې ځمکې دوسیه د مرکزي کمېسيون د لارښود په اساس بشپړه کړي.
همدارنګه، د تخنيکي هیئت په دې ناسته کې د یاد ولایت په بېلابېلو ساحو کې د غصب شويو ځمکو یو شمېر نورې دوسیې هم تر بحث او بررسۍ لاندې ونيول شوې او په اړه یې لازم تصاميم ونيول شول.
