د تېرې یوې میاشت په اوږدو کې په ۱۲ ولایتونو کې د څه باندې ۳۷ زره ۴۲۹ جریبه امارتي ځمکې استرداد
د ځمکو له غصب څخه د مخنیوي تخنیکي هیئتونو د ۱۴۴۶ هجري قمري کال د ربیعالثاني د میاشتې په اوږدو کې په هرات، ننګرهار، کندز، تخار، پروان، غور، پنجشير، لغمان، سرپل، سمنګان، بادغیس او ميدان وردګ ولایتونو کې څه باندې اوهدېرش زره څلورسوه نهه ويشت (۳۷۴۲۹) جریبه امارتي ځمکه له بررسۍ او تثبیت څخه وروسته، استرداد کړې او اړوندو ادارو ته یې تسلیم کړې.
د تېرې یوې میاشتې په ترڅ کې تر ټولو زیاته استرداد شوې ځمکه په تخار ولایت کې موقعیت لري چې لس زره (۱۰۰۰۰) جریبه ځمکه پکښې شامله ده.
دغه راز د ځمکو له غصب څخه د مخنیوي تخنیکي هیئتونو د یادې میاشتې په اوږدو کې څه باندې پنځه سوه دوه ویشت زره او نهه سوه څلوېښت (۵۲۲۹۴۰) جریبه امارتي ځمکه د افغانستان په ۲۴ ولایتونو کې تثبیت کړې او څه باندې اوهسوه اوه اتیا زره اوهسوه یوولس (۷۸۷۷۱۱) جریبه نوره ځمکه هم په ۳۱ ولایتونو کې تر بررسۍ لاندې نیولې ده.
د امارتي ځمکو د بررسۍ، تثبیت او استرداد بهیر په ټولو ولایتونو کې دوام لري او د غصب شویو زرګونو جریبو امارتي ځمکو دوسیې، د ځمکو له غصب څخه د مخنیوي کمېسیون او په ولایتونو کې د یاد کمېسیون د تخنیکي هیئتونو تر بررسۍ لاندې دي.
