د تېرې یوې میاشت په اوږدو کې په اوو ولایتونو کې د څه باندې ۴۳ زره ۲۷۵ جریبه امارتي ځمکې استرداد
د ځمکو له غصب څخه د مخنیوي تخنیکي هیئتونو د ۱۴۴۶ هجري قمري کال د صفرالمظفر د میاشتې په اوږدو کې په کندز، تخار، جوزجان، غور، لوګر، سمنګان او بادغیس ولایتونو کې څه باندې ۴۳ زره او ۲۷۵ جریبه امارتي ځمکه له بررسۍ او تثبیت څخه وروسته، استرداد کړې او اړوندو ادارو ته یې تسلیم کړې.
د تېرې یوې میاشتې په اوږدو کې تر ټولو زیاتې استرداد شوې ځمکې په بادغیس، غور او لوګر ولایتونو کې موقعیت لري چې څه باندې ۳۸ زره او ۸۰ جریبه ځمکې پکښې شاملې دي.
دغه راز د ځمکو له غصب څخه د مخنیوي تخنیکي هیئتونو د یادې میاشتې په اوږدو کې څه باندې ۵۱۶ زره او ۷۰۷ جریبه امارتي ځمکه د افغانستان په ۲۴ ولایتونو کې تثبیت کړې او څه باندې ۷۰۱ زره او ۵۱۹ جریبه نوره ځمکه هم په ۲۹ ولایتونو کې تر بررسۍ لاندې نیولې ده.
د امارتي ځمکو د بررسۍ، تثبیت او استرداد بهیر په ټولو ولایتونو کې دوام لري او د غصب شویو زرګونو جریبو امارتي ځمکو دوسیې، د ځمکو له غصب څخه د مخنیوي کمېسیون او په ولایتونو کې د یاد کمېسیون د تخنیکي هیئتونو تر بررسۍ لاندې دي.
