د تېرې یوې میاشتې په ترڅ کې په کاپیسا ولایت کې د ۷۶۲۹ جریبه ځمکې بررسي او تثبیت
د کاپیسا ولایت د ځمکو د غصب د مخنیوي تخنیکي هیئت د ۱۴۴۵ هجري قمري کال د صفرالمظفر د میاشتې په ترڅ کې د دغه ولایت د مرکز د عاشقانو دښتې د ځمکې د بررسۍ او تثبیت کار پای ته ورسو.
د دغې بررسۍ په پایله کې، یاد شوي هیئت په دغې ساحې کې ۷۶۲۹ جریبه امارتي ځمکه بررسۍ لاندې ونیوله او تثبیت کړه.
د یادې ځمکې له مجموعې څخه چې د عاشقانو ټوله دښته په کې شامله ده، ۲۳۳۲ جریبه ځمکه یې د ۲۹۸ تنو کسانو له خوا غصب او تصرف شوې او د استوګنې کورونه او بڼونه جوړ شوي دي.
