د امداد الافغان خیریه بنسټ څخه د کندهار ولایت د عدليې رییس لیدنه
د کندهار ولایت د عدلیې رییس الحاج مولوي نور اغا هاشمي او مل پلاوي یې د ربیع الثاني میاشت په ۱۱ نېټه د یکشنبې په ورځ له امداد الافغان خیریه بنسټ څخه چې په عمر حیدري تشخیصیه کلینیک کې خیریه روغتیایي خدمتونه وړاندې کوي، لیدنه وکړه.
یاد خیریه بنسټ د دغه ولایت اوسېدونکو له پاره وړیا روغتیايي خدمتونه وړاندې کوي او پر ناروغانو وړیا درمل ویشي.
د عدليې رییس په دغې لیدنه کې د کلینیک له ټولو برخو څخه لیدنه وکړه او د هغوی فعالیتونه یې وارزول.
د عدليې رییس د دغه کلینیک فعالیتونه مثبت وارزول اوله هغوی سره یې د هر ډول همکارۍ ژمنه وکړه.
