د ارزګان ولایت د ښاري محکمې له رئیس او د امارت د قضایاو له آمر سره د یو شمېر عریضه لیکوونکو کتنه
د ارزګان ولایت یو شمېر عریضه لیکوونکو د ذوالقعدې د میاشتې په ۱۱ نېټه د چهارشنبې په ورځ د ښاري محکمې د مدني دیوان رئیس، د عدلیې ریاست د امارت د قضایاو آمر، د دغه آمریت مدني غړي او د یاد ریاست د انسجام له مدیر سره وکتل او خبرې ورسره وکړې.
په دغې ناسته کې، د ښاري محکمې د مدني دیوان رئیس، عریضه لیکوونکو ته د هغو ستونزو په اړه چې د عامو خلکو او قضایي ارګانونو ترمنځ رامنځته او یا حل کیږي لازم معلومات وړاندې کړل.
په یاده ناسته کې، عریضه لیکوونکو د ښاري محکمې د مدني دیوان له رئیس څخه وغوښتل چې سیمه ییزې ادارې باید خپل مراجعین په رسمي عریضه کې د غوښتنلیک لیکلو ته مکلف کړي ترڅو هم د اسلامي امارت عواید زیات شي او هم عریضه لیکوونکو له پاره د کار زمینه مساعده شي.
