د آلمان د همکاریو دفتر له عدليې وزارت سره د دغه دفتر د همکاریو د پیاوړتیا ژمنه وکړه
د عدليې وزارت سرپرست او نوماند وزیر قضاوتپوه فضل احمد معنوي د آلمان د همکاریو د دفتر (GIZ) د قانون له واکمنۍ سره د ملاتړ د برخې له مسؤل سره وکتل او له عدليې وزارت سره د دغه دفتر د همکاریو په کې باره خبرې وکړې.
د عدليې سرپرست په دې کتنه کې وویل چې د(GIZ) دفتر د قانون د واکمنۍ په برخه کې د عدليې وزارت ستونزې درک کوي او دغه وزارت هم د دغو ستونزو د حل کولو په برخه کې د آلمان د همکاریو د دفتر همکارۍ ته ستره اړتیا لري.
د (GIZ) دفتر د قانون له واکنمۍ سره د ملاتړ د پروژې رئیس ښاغلي بیند میسراشمیت د عدليې وزارت له برخو سره د قانون له واکمنۍ څخه د ملاتړ د پروژې د همکاریو په باره کې خبرې وکړې. هغه زیاته کړه چې دغه دفتر چمتو دی چې د دغه وزارت د اړتیا پربنسټ له عدليې وزارت سره خپلې همکارۍ، پیاوړې کړي.
هغه د (GIZ) له دفتر سره د عدليې وزارت د اړتیاوو، لومړیتوبونو او برنامو د نوملړ د شریکولو غوښتنه وکړه، د دې دفتر له قانون سره د واکنمۍ د پروژې د راتلونکي کال په پلان کې ځای کړی شي.
د آلمان د همکاریو دفتر عدالت ته د هېوادوالو لاسرسي، د حقوقي عامه پوهاوي او د کارکوونکو د ظرفیت د لوړولو په برخه کې له عدليې وزارت سره همکار دی.
