دایکندي ولایت کې ۳۷۰ جریبه ځمکه امارتي تثبیت شوه
د دایکندي ولایت د ځمکې د غصب د مخنیوي تخنیکي هیئت ددغه ولایت نیلي ښار ۱ ناحیه کې درې قطعې ځمکې وکتلې او بررسي کړې.
ددغې بررسۍ په پایله کې، یاد هیئت دغو قطعو کې چې ۳۷۰ جریبه ځمکه پکې شامله ده، امارتي تثبیت کړه.
په همدې حال کې، د کنړ ولایت تخنیکي هیئت ددغه ولایت نورګل ولسوالۍ ته ولاړ او له مزار دره، شماش او جبګي کلیو څخه يې لیدنه وکړه.
یاد هیئت د شماش او جبګۍ له اوسیدونکو څخه چې پر یوې ځمکه یې دعوا درلودله، د هغوی د ملکیت د اثبات په منظور سندونه وغوښتل. له یادو اوسیدونکو څخه هیڅ یو ونه شو کړای چي شرعي او قانوني سندونه هیئت ته وړاندې کړي.
دغه راز د جلګي کلي کې پر ۴۰ جریبه د ځنګلونو امارتي ځمکې په د ډي آر سي موسسې لخوا زلزله ځپلو له پاره سرپناه جوړیږي. د کنړ ولایت د ځمکې د غصب د مخنیوي تخنیکي هیئت په پام کې لري چې دغې سیمه کې د کورونو جوړولو له بشپړولو څخه وروسته د خلکو لخوا د هغې د استفادې په منظور، کړنلاره جوړه کړي.
