بغلان ولایت کې د حقوقي عامه پوهاوي برنامه جوړه شوه
د بغلان ولایت د عدلیې ریاست د حقوقي مرستو آمریت د ربیع الاول میاشتې په ۲ نېټه د چهارشنبې په ورځ د حقوقي عامه پوهاوي برنامه د پلخمري ښار د میهن په لېسې کې جوړه کړه.
په یاده برنامه کې چې د دغه ښوونځي د دولسم ټولګي زده کوونکو له پاره جوړه شوې وه، د اسلامي شریعت په رڼا کې د حقوقي عامه پوهاوي مدیر احمد ولي نیازي له لوري د دغې لېسې زده کوونکو ته د غصب په اړه معلومات وړاندې شول.
همدا راز په دغه برنامه کې د امیرالمومنین څخه د اطاعت او د اسلامي امارت څخه د سرغړونې په اړه د ایاتونو او حدیثونو په رڼا کې د یادې لېسې زده کوونکو ته پوهاوی ورکړل شو.
د میهن لېسې مدیر او زده کوونکو د دغې برنامې جوړول له امله د بغلان ولایت د عدلیې له ریاست څخه مننه وکړه.
