بادغیس او بغلان ولایتونو کې څه دپاسه ۱۰۰۰۰ جریبه ځمکه امارتي تثبیت شوه
د بادغیس او بغلان ولایتونو د ځمکې د غصب د مخنیوي تخنیکي هیئتونو دغو ولایتونو کې د ځینو ساحو د سندونو په بررسۍ سره کابو ۱۰۰۰۰ جریبه غصب شوې ځمکه دغو ولایتونو کې امارتي تثبیت کړه.
د باغیس ولایت د تخنیکي هیئت په ناسته کې چې ددغه هیئت د رییس او غړو په حضور سره جوړه شوه. د غزاق ها سیمې شمال دریا زیارت ترڅنګ د ځمکې له متصرف څخه چې د حج او اوقافو ریاست يې د مالکیت ادعا لري شرعي سندونه وغوښتل شول. دغه راز د یو بل شخص سندونه چې د زیارت خوا کې دوکانونه جوړ کړي، واخیستل شول.
یاده ناسته کې له دوه تنو څخه چې ۱۰۰۰۰ جریبه عامه مرعی ځمکه یې تصرف کړې، سندونه وغوښتل شول. هغوی هیڅ ډول سند نه درلود او د یادې ځمکې په عامه مرعی توب یې اعتراف وکړ. هغوی ژمنه وکړه چې له یادې ځمکې څخه شخصي استفاده نه کوي او د خلکو څخه د هغې د ګټي اخیستنې نه مانع کیږي. په پایله کې یاده شوې ۱۰۰۰۰ جریبه ځمکه عامه مرعی تثبیت شوه.
دغې ناسته کې، د لامان د خلکو استازو چې د پشته لامان د ارچې ځنګل یو برخه تصرف کړې ده، د خپل د پېرل شوو سندونو کاپې حاضر کړه. یاد شوي هیئت هغوی ته لارښوونه وکړه چې بایع د هغه له شرعي او رسمي سندونه سره حاضر کړي.
در این نشست، نمایندگان مردم لامان که قسمتی از جنگل ارچه زمین های پشته لامان را تصرف نموده اند، کاپی اسناد خریداری خود را حاضر کردند. هیأت مذکور به آنان هدایت داد که بایع را با اسناد شرعی و رسمی اش حاضر کنند.
په همدې حال کې د بغلان ولایت تخنیکي هیئت ددغه ولایت په دوشي ولسوالۍ کې کیلګي ساحې ته ولاړ او هغه امارتي ځمکې چې د خلکو لخوا غصب شوي وه، تثبیت کړه. ځايي خلکو له یادو ځمکو څخه هیڅ ډول قانوني سند نه درلود.
یاد شوي هیئت د سیمې خلکو ته خبردارۍ ورکړ چې ددغې ځمکه له پېرلو، پلورلو او پکښې له ودانولو څخه ډډه وکړي.
