ارګو ولسوالۍ ته د بدخشان ولایت د ځمکو د غصب د مخنیوي د تخنیکي هیئت سفر
د بدخشان ولایت د ځمکو د غصب د مخنیوي تخنیکي هیئت د ذوالقعدې د میاشتې په ۲۹ نېټه د یکشنبې په ورځ د دغه ولایت ارګو ولسوالۍ ته سفر وکړ او د ځمکو د غصب د مخنیوي او د غصب شویو ځمکو د استرداد په برخه کې لازم اقدامات ترسره کړل.
دغه هیئت له سیمه ییزو مسؤلینو سره ناسته جوړه کړه او د تخنیکي هیئت د مسؤلیتونو په اړه هغوی ته معلومات وړاندې کړل.
دغه راز یاد هیئت د سیمه ییزو مسؤلینو په ملتیا ځینې برخې چې د ښاروالې او د کرنې ادارو ترمنځ شخړې لاندې دي له نږدې بررسي کړې.
یاد شوي هیئت اړوندو مسؤلینو ته لارښوونه وکړه چې تر شخړې لاندې او په کرنیزو ځمکو تبدیلې شوې ساحې بررسي او تثبیت کړي او کره ارقام دغه هیئت ته وړاندې کړي.
