بازدید استادان و محصلان پوهنتون البیرونی ولایت کاپیسا از ریاست عدلیه این ولایت

استادان و ۲۶ تن از محصلان رشته حقوق و علوم سیاسی پوهنتون البیرونی ولایت کاپیسا روز یکشنبه، ۷ رمضان به منظور آموزش‌های عملی از ریاست عدلیه این ولایت بازدید کردند.

در این بازدید قاری شکرالله احمد، رییس عدلیه کاپیسا، کارمندان این ریاست و استادان و محصلان مذکور حضور داشتند و در آن مسولان ریاست عدلیه در باره وظایف، صلاحیت‌ها و بخش‌های مختلف این ریاست معلومات ارایه کردند.

همچنین محصلان برای آموزش‌های عملی به گروپ‌های جداگانه تقسیم شده و کارمندان، ریاست معلومات مسلکی و تجارب خویش را با آن‌ها شریک نمودند.